Nekazal proiektuen koordinatzailea Etiopian
Argitaratua: 2022 uztaila 14
Etiopiako Programak 2019an hasi zituen bere jarduerak identifikazio-fase luze batekin, eta, horren ondorioz, eskala txikiko nekazaritza ezarri zuen bere jarduera nagusitzat. Programaren helburua da familia-nekazaritzaren ekoizpen- eta merkataritza-garapenean laguntzea, laguntza teknikoaren bidez, eta sargaien erosketa erraztea.
Mundukide Fundazioak 23 urte daramatza nazioarteko lankidetzan eta gaur egun 5 herrialdetan ari da (Mozambiken, Brasilen, Kolonbian, Etiopian eta Ekuadorren), tokiko bazkideekin elkarlanean, eskualdeko garapen sozioekonomikoaren eta antolakuntza indartzearen arloan.
Egitekoak
Hautatutako pertsonaren ardura izango da Etiopiako epe luzeko garapen-programan sartzen diren proiektu berriak identifikatu eta formulatzea. Gainera, tokiko bazkideekin batera formulatutako proiektuak inplementatu eta kudeatzeaz arduratuko da.
Erantzukizunak
• Proiektua identifikatzea: tokiko bazkideak identifikatzea eta hautatzea, produkzio-aukera berriak identifikatzea, inplementazio-metodologiak diseinatzea, diagnostikoak/landa-azterketak egitea, familia-nekazaritzaren sektoreko ekimen, aukera edo joera berrien jarraipena egitea.
• Programaren kudeatzailearekin batera, proiektuak formulatzea: jardueren diseinua, kronogramak, aurrekontuak,
• Proiektuaren kudeaketa: jarduerak abian jartzea eta garatzea, lantaldeak hautatzea, sargaiak kudeatzea, proiektuaren jarraipen administratiboa eta ekonomikoa egitea, txostenak egitea.
• Programaren bitarteko fisikoak kudeatzea, hala nola instalazioak, garraioak, ekipoak eta bere arloko beste batzuk (kotizazioak, erosketak, mantentze-lanak…).
• Beren lan eremuan landa-taldeen eta bazkideen gaitasunen hazkundea sustatzea.
• Beste GKE batzuekiko, nekazarien elkarteekiko, merkatariekiko, nekazaritza-kooperatibekiko eta merkatariekiko lankidetza kudeatzea.
• Herrialde barruan erakundearen kudeaketa orokorraren eta harreman instituzionalen arduraduna izatea.
Mendekotasuna eta koordinazioa
Programaren kudeatzailearen esanetara egongo da hierarkikoki eta funtzionalki.
Eskakizunak
- Goi-mailako ikasketak izatea.
- Ingelesa ondo menderatzen duten pertsonei emango zaie lehentasuna. Modu positiboan baloratuko da amharikoaren eta/edo oromoaren ezagutza.
- Etiopia edo Afrikako lan-esperientzia modu positiboan baloratuko da, batez ere landa-garapenaren eremuan identifikazioan, formulazioan eta kudeaketan esperientzia izatea.
- Genero eta garapeneko gaietan prestakuntza eta esperientzia izatea modu positiboan baloratuko da.
Zer eskaintzen dizugu
• Kontratu mugagabea eta lan-baldintzak Mundukide taulen araberakoak.
• Lantokia: Oromia eskualdea, Arsi aldea (Etiopia)