Aurten ‘Mundukide’ saria ez da banatu. Izan ere, aurkeztu diren lanek ez dituzte erakundeak sustatu nahi dituen balioak behar bezala islatzen.
Hala ere, antolakuntzak nabarmendu duenez, aurkeztutako lanek kalitate zinematografiko handia izan dute, eta horrek argi erakusten du euskal zinemagileen talentua. Espero dugu datozen edizioetan Mundukide saria berriz banatu ahal izatea, euskal sortzaileek egindako lana bultzatzeko eta Mundukidek elarazi nahi duen mezua zabaltzeko.
Zer saritzen du Mundukdie sariak?
Mundukidek gaur egun munduan dugun lekuaz hausnartzera gonbidatzen gaituztenetan onena sarituko du.
Euskaldun eta europar gisa, munduko zortzi mila milioi pertsonen artean zer leku dugu guk? Aberastasuna, boterea, ekonomia, kultura, burujabetza edo eta karbono isuriak eta klima aldaketari dagokionean, zer egiten dugu? Zer ez dugu egiten? Egiten dugunak eta ez dugunak zer eragin du munduko beste biztanleengan? Nola egiten diogu mesede edo kalte guztiontzako giza eskubideak gauzatzeari?
