Kolonbia
Pasto hiriko emakume nekazarien eta pertsona birziklatzaileen bizitza hobetzen laguntzea. Haien gaitasun teknikoak, politikoak eta erresilientziaren arlokoak handitzea, trebakuntzako, laguntza teknikoko eta sare-laneko estrategia integral baten bidez. Horiek dira gure helburu nagusiak Kolonbian, betiere, tokiko erakunde eta elkarteekin lankidetzan.
Birziklatzaileen kolektiboa zaurgarria da, eta gizarteak estigmatizatua, bizi- eta lan-baldintza eskasak dituela. Komunitatean eta ingurumenean ekarpen handia egiten badute ere, parte-hartze txikia dute politikan.
Jarraitu irakurtzen
Mundukiderekin batera, duela urtebete ari gara lanean lanbidez birziklatzaileak diren pertsona guztiak elkartu eta talde batean biltzeko. Lider bakoitzaren eta birziklatzaile bakoitzaren ezagutza geureganatuz, areagotuz eta partekatuz, geure lana defendatzea lortzen dugu
Lina Rojas, Pasto udalerriko birziklatzaile publikoa
Eskaini LK puntuak Mundukideri
2021 May 17
Covid-19 a eta programen egoera
2021 April 14
#A25 Emakumearen aurkako indarkeria gelditu dezagun!
2020 December 4
-
655
655 onuradun.
-
6
Sei kooperatibari laguntzen diegu. Kooperatiba horiek 211 bazkide dituzte, eta % 77 emakumeak dira.
-
% 74
715 pertsonari eman diegu prestakuntza. Horietatik, % 74 emakumeak dira.
-
2.
Bigarren mailako kooperatiba bat eratu da, lau erakunde elkartuta.
Datuen urtea 2019. Informazio gehiago behar baduzu, sar zaitezke txostenak eta argitalpenak
Jarduera-eremuak
Nariño
Nariño departamendua Kolonbiako hego-mendebaldean dago, eta Ekuadorrekin du muga. Hiriburuan jartzen dugu arreta bereziki, baina zenbait jarduera egiten ditugu Nariñako beste hiri batzuetan ere, hala nola Ipialesen eta Tumacon. 2017ko datuen arabera, biztanleen % 40,2 pobrezia-egoeran bizi zen, eta % 14, muturreko pobrezia-egoeran.
Mundukiden hainbat arrazoirengatik erabaki genuen eskualde horretan aritzea: Kolonbiako barne-gatazka armatuak gehien kolpatutako departamenduetako bat zelako, giza garapen mailak txikiak zirelako, potentziala duten beste departamentu batzuetatik (hala nola Caucatik eta Putumayotik) gertu zegoelako eta etorkizunean Kolonbiaren eta Ekuadorren arteko proiektu binazional bat egiteko aukerak zeudelako.
Kolonbian bi onuradun-profilekin ari gara lanean: COEMPRENDER kooperatibako bazkideekin eta AGROMINDALAE Emakume Nekazari Indigenen Elkarteko kideekin.
Zergaitik gaude hemen?
Kooperatibei laguntzea
Hemen badakigu, ondo asko jakin ere, kooperatibak martxan jartzen. Kooperatiben bidez, lan egiten dugun tokiko komunitateetako biztanleek bertako garapen sozioekonomikoa susta dezakete.
Pertsonen trebakuntza
Euren mundua aldatzeko trebatzen ditugu pertsonak. Horretarako, prestakuntza funtsezko elementuetako bat da Mundukideren proiektuen jardueretan. Eskolan ikasten da, baina lanean, familian eta komunitatean ere bai.
Emakumeak
Munduan modu kronikoan gosea pasatzen duten pertsonen % 60 emakumeak eta neskatilak dira. Nazio Batuen datuen arabera, ia 800 milioi analfabetoren bi heren dira emakumeak (kopuru hori ez da aldatu azken bi hamarkadetan). Batez beste, gizonek baino % 60ko…
Ingurumena
Ingurumenarekiko gure konpromisoa gainerako eremu guztietan aurrera daramagun lanaren zeharkako ardatza da.
Birziklatzaileei laguntzeko proiektuak ondo zehaztutako hiru lan-ildo ditu:
- Gaitasun politiko-normatiboen eta tekniko-profesionalen inguruko prestakuntza ematea, hiri-hondakin solidoen kudeaketari eta aprobetxamenduari buruzko Kolonbiako legedi berrira egokitu daitezen.
- COEMPRENDER kooperatibako bazkide eta langileei laguntza teknikoa eta prestakuntza ematea.
- Birziklatzaileak politikoki egituratzea, sareen bidez, talde kohesionatu gisa funtzionatzeko, hiri-hondakin solidoen kudeaketari eta aprobetxamenduari buruzko erabakiak hartzen dituzten eragile publiko eta pribatuei eragiteko eta herritarrak birziklapenaren kulturaren inguruan sentsibilizatzeko gai izan daitezen.
Kolonbian bada beste proiektu bat ere martxan, AGROMINDALAE elkartearen bidez garatzen dena. Emakume nekazarien egoera hobetzea du helburu, eta, era berean, nekazaritzako produktu ekologikoen kalitatea handitzea eta produktu horiek merkaturatzea.
Kolonbiako jatetxerik garrantzitsuenetako batzuk Andeetako produktu tradizionalak, ia desagertuak, hasi dira erabiltzen. Produktu horiek chagra izeneko sistemaren bidez landatzen zituzten. Aipatutako eskariari esker, labore-mota hori suspertu egin da. Produktu horien salmenta bermatu ahal izateko, kalitate handiko uztak lortu behar dira, eta ondo jakin behar da non eta nola merkaturatu.
Mundukiden nekazaritzako ekoizpen ekologikoari buruzko prestakuntza eta laguntza teknikoa ematen diegu horrelako produktuak landatzen dituzten emakumeei. Gainera, merkataritza-sareak bultzatzen ari gara, ekoizleak eta haien produktuak eskatzen dituzten jatetxeak elkarrekin harremanetan jartzeko.<
Kolonbia
- Hiriburua: Bogota
- Hizkuntza: Gaztelania
- Azalera: 1.142.748 km²
- Biztanleria: 50.372.424 biz.
