Eduki nagusira joan

Ongi etorri.

Mesedez, hautatu zure hizkuntza eta hasi nabigatzen.

Misioa

Mundukideren misioa Hegoaldeko herrialdeekin elkarlanean aritzea da.

Esperientziak, baliabideak eta egiten jakitea partekatzen ditugu, inplikatutako alderdien garapen autogestionarioa eta erabatekoa sustatzeko. Horretarako, lan kooperatiboaren elkartasuna bultzatzen dugu, Mundukideren balioak eta printzipioak oinarri eta gidalerro hartuta.

Hona hemen gure eginkizun nagusia: lankidetza-programetan elkarlanean jardutea eta proiektu solidarioak sustatzea, pertsonekin eta tokiko erakundeekin batera lan eginez.

Mozambique, Mundukide
Mozambique, Mundukide
Colombia, Mundukide
Brasil, Mundukide

MONDRAGONen esperientzia kooperatiboaren borondatea da, izan ere, ezagutzak, baliabideak eta esperientziak garapen-bidean dauden herrialdeetako errealitateekin partekatzea.

Gure lankidetza bete-betean gauzatzeko nahitaezkoa da mundu kooperatibistaren inplikazioa eta sentsibilizazio lortzea. Beraz, kolektibo handi horren elkartasuna sustatzeko ere egiten dugu lan. Parte-hartze horrek, garapen-bidean dauden herrialdeen garapena bultzatzeaz gain, balio eta printzipio kooperatiboak indartzen ere laguntzen du, bi aldeetan baitu eragina.

Elkartasun unibertsala

Mundukideko parte-hartzaileon lanaren oinarria elkartasuna da, bai ekonomia solidarioko beste esperientzia batzuekin, bai demokrazia sozialaren alde diharduten guztiekin, azken horiekin bake-, justizia- eta garapen-helburu berberak partekatzen ditugula.

Lana

Ekintza eraldatzailetzat hartzen dugu gure lana, aldaketa-ekintzatzat, garapena lortzeko bidetzat. Mundukiden uste dugu lana balio bat dela, berez, eta kapitalaren gainetik dagoela.

Gizarte-eraldaketa

Mundukideren asmoa eraldaketa lortzea da, pertsonak eta gizarteak bidezkoagoak eta autogestionatuagoak izan daitezen esparru guztietan, baita genero-harremanen esparruan ere; ikuspegi horretatik, autonomia funtsezkoa da pertsona, kolektibo eta herri bakoitzak zer gizarte-eredu nahi duen erabaki dezan.

Interkooperazioa

Esperientzia partekatzea. Ezagutza partekatzea. Gurpilak etengabe jarraitu behar du biraka, gure laguntza hartzen duten herri eta komunitateen garapen sozioekonomikoa bideratzeko.

Informazio gehiago

Nola egiten dugu lan

Egin dohaitza orain

Beharrak hautematea

Eskualde bakoitzeko talde antolatuak, gizarte-erakundeak, erakunde publikoak eta abar identifikatzea, zer behar eta interes dituzten aztertzea eta balizko esku-hartzeetan zer ekarpen egin ditzaketen ikustea.

Aukerak proposatzea

Aukerarik onena proposatu ahal izateko, onurak eta eskualdeko egoera hartu behar ditugu kontuan. Orobat, ezarritako helburuak lortzeko eraginkorrena izan behar du, eta, batez ere, ahalik eta jende gehienak parte hartzea eta bat egitea lortu.
Colombia, Mundukide

Martxan jartzea

Horrenbestez, lau urterako plan estrategikoa finkatzen dugu, eta urteko planen bidez gauzatzen da, elkartutako erakundeek osatzen duten lantaldearen zuzendaritzapean.
Brasil, Mundukide

Emaitzak ebaluatzea

Etengabe gainbegiratzen dugu dena, jarduketen edukia eta epeak plangintzarekin bat datozen egiaztatzeko eta programaren eragina handituko duten aldaketak proposatzeko, hala badagokio.

Harpidetu gure newsletterrera

Gure proiektuen berri izan nahi baduzu, jaso zure helbide elektronikoan Mundukideren azken albisteak.