Euskal Herria
Gure jarduera gauzatzeko moduak kooperatiba-balioak suspertzea dakar, Mundukideren ezaugarriak baitira. Horregatik, elkartasun arduratsuaren, lankidetzaren eta gizarte-eraldaketaren ikuspegitik heltzen diegu gure proiektuei. Pertsonen konpromisotik abiatuta, gizartea garapen komunitario eta ekitatiboko irizpideetan oinarrituta eraldatzeko helburuarekin.
Helburu horrekin eta plataforma bateratuak antolatzeko, hainbat kooperatiba, enpresa eta erakunderekin lan egiten dugu, dagoeneko egiten ditugun ekintza eta jarduerek gizarte-eraldaketaren ikuspegitik eragin handiagoa izan dezaten.
Jarraitu irakurtzenSolasaldia… Lankidetza eta Elkartasun Unibertsala.
2021 February 23
Adierazi zure elkartasuna Mundukideko postalen bitartez
2020 November 3
Zergaitik gaude hemen?
Gizarte eraldaketa
Jose Maria Arizmendiarrietak zioenez, «mundua ez zaigu eman ikusteko, eraldatzeko baizik».
Ingurumena
Ingurumenarekiko gure konpromisoa gainerako eremu guztietan aurrera daramagun lanaren zeharkako ardatza da.
Hezkuntza-kooperatiben, ekoizpen-sektoreko kooperatiben, boluntarioen, LANKI Ikerketa Kooperatiboen Institutuaren eta beste GGKE eta erakunde batzuen artean ehundutako sareak, kanpainetan elkarlanean aritzeko, proiektuak garatzeko, boluntariotza-ekintzak antolatzeko eta praktikak eskaintzeko balio du. Azken batean, gure bailararen mugak gaindituko dituen garapen komunitarioa bilatzen duen gizarte aktibo bihurtzeko balio du.
Gure jarduerak
- Patronatuak proiektuak gauzatzen ditugun herrialdeetara egindako bidaiak.
- Hainbat publikorentzako "lankidetzari" buruzko hitzaldiak
- Argazki-erakusketak
- Dokumental aurkezpenak
- Formakuntzak
- Kapulana bat Zintzilik bertso emanaldia
- First Lego League eta Africa Basque Challenge proiektuetan parte hartzea.
Aipamen berezia egin behar zaio prestakuntza-programetan dugun inplikazioari, hala nola "kooperatibismoan aditua" ikastaroan edo Mondragon Unibertsitatearen Ekonomia Solidarioaren Garapenerako Kudeaketa Ekonomiko eta Sozialeko Masterrean parte hartzeari. Era berean, boluntarioen laguntza teknikoa eskaintzen diegu ekonomia solidarioko beste eragile batzuei.
Helburua da ikasteko eta gizartea eraldatzeko espazioak eskaintzea, orain arte garapen-bidean dauden herrialdeetako lankidetza-programen eta gure inguruan egindako jardueren artean zegoen ildoa lausotzen laguntzeko. Hau da, errealitate globalak eta horien tokiko berezitasunak gerturatzeko exuntzio-, ikaskuntza- eta ekintza-esperientziak erraztea, Debagoienako ingurune hurbilenetik harago eraldaketa sozial kritiko eta globala lortzeko, eta gizarte bidezkoagoak, solidarioagoak eta autogestionatuagoak sortzeko.
