Arzadunek hogei urte daramatza Afrikan. Uste du oraingo egoerak ez duela zerikusirik hasierakoarekin, baina argi du badela zer hobetu. COVID-19ak nekazaritzan izango duen eraginak kezkatzen du.
Beñat Arzadun Mundukide fundazioko kidea da (Errenteria, Gipuzkoa, 1973), eta garapen proiektu bat abian jartzeko heldu zen Niassara (Mozambike). Hogei urte daramatza jada han, eta proiektuak 10.000 baserritar baino gehiagori ematen die laguntza.
Proiektu batek eraman zintuen Mozambikera. Nolakoak izan ziren aurreneko pausoak?
Proiektuak garapen sozioekonomikoa du ardatz. Beti izan da hala, baina hasieran zabalagoa zen: nekazaritza, hezkuntza, osasuna… biltzen baitzituen. Urte batzuen buruan konturatu ginen arlo produktibo-komertzialean genituela emaitzarik onenak; balio erantsia, alegia, eta hor zentratu ginen.
Mozambike
