Urriak 20an ospatuko da lX. Mundukideko Lasterketa Solidarioa

Mundukideren Lasterketa Solidarioa ekitaldi enblematikoa da, elkartasun-espiritua kirolarekiko grinarekin eta balio kooperatiboekin uztartzen duena.

Topaketa bakar horretan, lurraldeko hainbat tokitako kooperatibek bat egiten dute helburu komun bat lortzeko: Afrikako eta Latinoamerikako komunitate behartsuetan garapen iraunkorreko ekimenak bultzatzea. Ekitaldi honek jarduera fisikoa eta laguntasuna sustatzeaz gain, kooperatibek elkartasun unibertsalarekin duten konpromisoa ere nabarmentzen du.
Desberdintasun ekonomikoa, gizarte-bazterketa eta ingurumen-krisia bezalako erronkek markatutako munduan, kooperatibak elkartasunean, parte-hartze demokratikoan eta ongizate komunean oinarritutako ekonomia- eta gizarte-antolamenduaren eredu alternatiboa dira. Elkartasun kooperatiboak, testuinguru garaikidean, kooperatiba bateko kideen arteko laguntza ez ezik, tokiko, nazioko eta nazioarteko kooperatiben arteko lankidetza ere eskatzen du, arazo globalei aurre egiteko eta garapen iraunkorra eta bidezkoa sustatzeko. Alde horretatik, Mundukideren Lasterketa Solidarioa kirol-ekitaldi bat izateaz gain, kooperatibek eta pertsonek elkartasunean nola bat egin dezaketen erakusten du, egungo erronkei aurre egiteko eta guztiontzako bidezkoagoa eta iraunkorragoa den etorkizun baterantz lan egiteko.
IX. edizioa URRIAREN 20an ospatuko da, igandea, Aretxabaletako Urkulu urtegian. Parte-hartzaileek distantzia eta modalitate desberdinen artean aukeratu ahal izango dute, hala nola, Taldekako Lasterketa, Ibilaldi Nordikoa eta Martxa tradizionala.