Nekazal proiektuen koordinatzailea Mozambiken
Argitaratua: 2023 uztaila 26
AURREKARIAK
Mundukide Fundazioak 25 urte daramatza nazioarteko lankidetzan eta gaur egun 5 herrialdetan dihardu (Mozambike, Brasil, Kolonbia, Etiopia eta Ekuador) tokiko bazkideekin elkarlanean, eskualdeko garapen sozioekonomikoa eta erakundeen indartzea sustatzen. Mozambike Programari 2002an eman genion hasiera, iparraldeko landa eremuetan lankidetza programak sustatuaz. Programaren jarduera nagusia eskala txikiko nekazal ekoizpena sustatzea da Lichinga – Pemba errepide/korridorean.
Programaren helburua nagusia familia-nekazaritzaren garapen produktibo eta komertziala bultzatzea izanik, programak laguntza teknikoa
eskaintzen du, ekoizpenerako behar diren hazi eta materialak errazten ditu eta nekazariei beraiek ekoitzitako produktuen salmenta optimizatzen laguntzen die.
Egitekoak
Koordinatzailea, landa eremuan arituko diren lan-talde batzuen arduraduna izango da. Lan-talde hauek nekazal teknika zehatzak menderatzen dituzten eta trabatzaile rola hartuko duten nekazariz osatuta egongo dira. Lan talde hauek, nekazari elkarteekin eta nekazal produktuen banatzaileekin elkarlanean, nekazari familiei beren nekazaritza-ekoizpena handitzen eta dibertsifikatzen lagunduko diete.
- Landa eremuan arituko diren lan taldeak kudeatzea.
- Landa eremuko lan-taldeetan eta tokiko bazkideetan gaitasunak sortzea.
- Beste erakunde batzuekiko lankidetza kudeatzea, hala nola nekazari elkarteak, merkatariak eta beste batzuk.
- Programaren eta lan-taldeen baliabideak, materialak eta hornidurak administratzea.
- Toki-erakundeekiko harreman instituzionalen arduraduna izango da.
- Ekoizpen-datuen bilketa kudeatu eta txostenak idatzi.
- Fundazioaren eginkizun orokorretan laguntzea.
Kooperanteek eta landa eremuko lan-taldeek osatutako talde bateko kide izango da eta programaren kudeatzailearen mende egongo da.
Eskakizunak
- Goi mailako ikasketak
- Hizkuntzak: portugesa ondo menderatzen duten pertsonei emango zaie lehentasuna.
- Mozambiken edo Afrikan lan-esperientzia izatea baloratuko da.
- Taldeak kudeatzen lan-esperientzia izatea baloratuko da.
- Nekazaritza-proiektuetan lan-esperientzia izatea baloratuko da.
Zer eskaintzen dizugu
- Batez ere ingeniariek eta landa eremuko lan-taldeek osatutako talde bateko kide izango da. Hierarkikoki eta funtzionalki, programaren kudeatzailearen mende egongo da.
- 2 urterako kontratua Mundukideko taulen araberako lan baldintzetan
- Lantokia: Niassa probintzia (Mozambike)
- Interesdunek CVa bidal dezakete lan@mundukide.org helbidera.
- Mundukide berdintasunarekin konprometitutako erakundea da, eta eskaera guztiak ongi
etorriak izango dira.