Mundukidek parte hartu zuen maiatzaren 20an Donostiako Kursaal Jauregian egin zen Euskadiko Kooperatiben Konfederazioaren (KONFEKOOP) Ohiko Batzar Orokorrean. Topaketan Euskadiko kooperatibetako 200 ordezkari inguru bildu ziren, baita Eusko Jaurlaritzako, Eusko Legebiltzarreko eta Gipuzkoako Foru Aldundiko ordezkariak ere.
Batzarrean zehar, KONFEKOOPEK Mundukideri 20.000 euroko dirulaguntza ematea onartu zuen, erakundeak garatzen dituen nazioarteko lankidetza eta garapen programetan inbertitzeko. Ekarpen horrek Mundukideren lana indartzen lagunduko du, bereziki enplegu duina, garapen ekonomiko inklusiboa eta tokiko komunitateen ahalduntzea sustatzen dituzten ekimenetan.
KONFEKOOPEK “Enpresa-erakunde kooperatibo erabilgarri eta hurbila” lelopean egin zuen aurtengo batzarra. Bertan, erakundeko presidenteak, Rosa Lavinek, 2025eko jardunaren balantze positiboa aurkeztu zuen, kooperatiben aldeko konpromisoa eta enplegu egonkorra, sustraitua eta etorkizunekoa sortzen duen enpresa-eredua defendatzeko borondatea nabarmenduz.
Mundukidetik eskerrak eman nahi dizkiogu KONFEKOOPi emandako babesagatik eta kooperatiben arteko elkartasunaren alde egindako apustuagatik. Jasotako laguntza honek aukera emango digu gure jarduera indartzen jarraitzeko eta munduko hainbat herrialdetan garatzen ditugun proiektuen eragina handitzeko.