WEBINARRA_Lankidetzaren etorkizuna irudikatuz

HELBURUA

Lankidetzaren etorkizuna irudikatzea eta Mundukideren 2027-2030 Plan Estrategikorako gakoak jasotzea.

(150 minutu – 2,5 ordu)

00:00 – 00:10 (10 min) | Ongietorria eta testuingurua

00:10 – 00:45 (35 min) | Hasierako ikuspegiak

Parte-hartzaile bakoitzak (6 hizlari × 5 minutu) bere erakundearen ikuspegitik lankidetza-proiektuen orainaz eta etorkizunaz hausnarketa labur bat egingo du.

Zer aldatu da azken urteotan, eta nora goaz?

00:45 – 01:45 (60 min) | Solasaldia: erronkak eta lehentasunak

Moderatzaileak galdera bat edo bi egingo dizkio hizlari bakoitzari, bere espezializazioa Mundukideren erronka estrategikoekin lotuz.
Gainerako hizlariek ere ekarpenak egiteko aukera izango dute, elkarrizketa aberastu eta ikuspegiak gurutzatzeko.

01:45 – 02:15 (30 min) | Mahai-inguru irekia: partekatutako erronkak

Elkarren artean eztabaidatzeko hiru edo lau gai nagusi:

Pertsonak: Nola erakarri eta atxiki lankidetzan aritzeko talentua, gero eta indibidualistagoa den gizarte batean?
Inpaktuaren ebaluazioa: Nola igaro asmo onetan edo pertzepzioetan oinarritutako ebaluaziotik datuetan eta ebidentzietan oinarritutako inpaktu-neurketara?
Finantzaketa: Nola indartu erakundeen iraunkortasun ekonomikoa eta murriztu dirulaguntza publikoekiko mendekotasuna?
Lankidetza-eredu berriak: Zein aliantza, gobernantza eta elkarlan modu behar dira etorkizuneko erronkei erantzuteko?

02:15 – 02:25 (10 min) | Publikoaren galderak
Entzuleek txataren bidez edo zuzenean egindako galderak eta ekarpenak.

02:25 – 02:30 (5 min) | Ondorioak eta amaiera

Eztabaidatik ateratako ideia nagusiak.
Mundukideren 2027-2030 Plan Estrategikoaren hurrengo urratsak.

Eskerrak eta agurra.

Hizlari bakoitzarentzako galdera espezifikoak

A) Mariona González (MT Lab – Oxfam)
Oxfamek esperientzia handia du nazioarteko lankidetzan, giza eskubideetan, genero-berdintasunean eta nazioarteko finantzaketan.

Zuk administrazio publiko baten ardura izango bazenu, nola antolatuko zenuke nazioarteko lankidetzaren finantzaketa datozen urteetarako?
Testuinguru globalean (polarizazioa, gatazkak, murrizketa ekonomikoak…) gero eta gehiago hitz egiten da tokiko erakundeak ahalduntzearen beharraz. Nola uztartzen dituzue nazioarteko eragina eta tokiko komunitateen benetako lidergoa? Zein izango da etorkizuneko GKEen eginkizuna gizarte-eraldaketan?

B) Iban Askasibar (Ayuda en Acción)
Ayuda en Acciónek balio-kateak, emakumeen eskubideak eta giza mugikortasuna ditu ardatz.

Mundukiden balio-kateak sendotzen ditugu landa-eremuko pobrezia gainditzeko. Baina gazteen migrazioa eta landa-eremuen hustutzea erronka gero eta handiagoak dira. Nola diseinatu behar dira etorkizuneko lankidetza-proiektuak gazteek eta emakumeek landa-eremuan etorkizun duina ikusi dezaten? Eta herrialdeak garatzen diren heinean eta teknologia berriak zabaltzen diren neurrian, nola eraldatu behar da lankidetza?

C) Sara Simon (ASETT – Ekonomia Soziala)
ASETT gizarte-ekonomiaren inguruko laborategi eta “think tank” bat da, datuetan, esperimentazioan eta prospektiban oinarritua.

Erakunde askok inpaktuaren neurketa administrazio-betebehar gisa bizi dute. Zuek, aldiz, datuak eraldaketarako tresna direla defendatzen duzue. Nola egin dezakete GKEek jauzia “asmo onetatik” benetako inpaktuaren ebaluaziora?

D) Borja Serrano (AECID)
AECIDek garapen jasangarria, trantsizio ekologikoa eta finantzaketa publikoa ditu lehentasun.

Mundukideren azken diagnostikoan argi ikusi dugu lehorteek, izurriteek eta klima-larrialdiak Hegoaldeko komunitateetan duten eragina. Finantzatzaile publiko baten ikuspegitik, zein lehentasun eta baldintza ezarriko ditu trantsizio ekologikoak etorkizuneko lankidetza-proiektuetan?

E) Nerea Uriarte Goitia (Garabide)
Garabidek hizkuntza indigenak, kultura, identitatea eta herrien ahalduntzea lantzen ditu.

Askotan lankidetza-proiektuak adierazle ekonomikoekin neurtzen ditugu. Garabideren esperientziak, ordea, erakutsi du hizkuntza eta identitate kulturala funtsezkoak direla komunitateen ahalduntzerako eta erresilientziarako. Zein toki izan behar du identitate kulturalak etorkizuneko garapen sozioekonomikoan?
(Euskadiko GGKEen Koordinakundeko lehendakari gisa): Nora doa lankidetza-sektorea? Zein sinergia eta elkarlan-eredu sustatu beharko genituzke etorkizunean?

F) Itziar Uriarte Markaide (Harreman GGKE)
Harremanek tokiko administrazioekin eta herritarren sentsibilizazioan egiten du lan.

Zer eragin izan dezakete tokiko GKEek gaur egungo testuinguruan? Nola ari da aldatzen herritarren sentsibilizazioa eta zer joera ikusten dituzue datozen urteetarako?