Mundukide aktiboki parte hartzen ari da MSTren 14. Topaketa Nazionalean, Salvador de Bahian urtarrilaren 19tik 23ra bitartean.
Topaketa honek fokua jartzen du inperialismoaren aurkako borrokan eta Estrategia Kolektiboen eraikuntzan, Reformaren Aldeko Nekazaritza Popularra indartzeko, eta funtsezko espazioa da esperientzien trukerako eta gizartearen eraldaketaz hausnartzeko.
Mundukideren parte-hartzea ia 20 urteko lankidetzaren esparruan kokatzen da MSTrekin, garapen kooperatiboaren prozesuak laguntzen, antolaketa gaitasunak indartzen eta komunitate nekazarietan gizarte justizia sustatzen. Lankidetza historiko honek aukera eman du euskal kooperatibismoaren esperientzia MSTren proiektu produktibo, hezigarri eta antolatzaileekin konbinatzeko, garapen sozioekonomiko jasangarri eta kolektiboaren ahalmen handitzeko ereduak sortuz.
Oraingo honetan, Mundukideren hainbat kide, zuzendaria, programa gestorea eta fundazioko lehendakaria barne, zuzenean parte hartzen ari dira topaketan. Hiru asteko bidaia bat aprobetxatu dute Brasilera, MSTko hainbat eragilerekin bilera egiteko eta Mundukidek lagundutako programak eta kooperatibak bisitatzeko, lankidetza harremanak indartuz eta proiektuetako aurrerapen eta erronkak bertatik bertara ezagutuz.
Mundukideren parte-hartzeak 14. Topaketa Nazionalean ez du soilik nazioarteko elkartasunarekiko konpromisoa azpimarratzen, baizik eta hausnarketa kritiko eta lankidetza eraldatzailearen aldeko apustua ere, zeinak ia 20 urteko jarduera gidatzen baititu.
